TANGUB CITY-Si Justice Jose Midas Marquez, Supreme Court (SC) administrator ang mipahoral sa mga opisyal niining dakbayan.
Atol sa gipahigayon nga oath taking ceremony, si Marquez ang mipapanumpa nila ni re-elected Tangub City Mayor Philip Tan, vice-mayor Edimar Alota ug mga sakop sa 13th Sangguniang Panglunsod nga napulo ka mga councilors.
Ang mga nanumpa nga mga konsehal sa dakbayan sa Tangub naglangkob usab nila ni Elnora Alngohuro, Wilma Canama, Romeo Cariaga, Sr., Tito Decina, Anecilin Del Valle, Emigdio Florida, Edilberto Gripo, Eva Ordeniza, Cecilio Sultan ug Mariano Trumpeta, Jr.
Sa iyang mesahe, gipadayag ni Marquez nga dakong kalipay usab niya nga naimbetahan sa Tangub City ilabina nga naila kini nga Christmas Symbols Capital of the Philippines.
Mitambong usab sa maong okasyon ang mga napiling board members sa Misamis Occidental 2nd District, Governor Herminia Ramiro, Vice-governor elect Aurora Almonte ug 2nd District Congressman Elect Henry Oaminal.
Sa iyang kabahin, gipadayag ni Tan nga ang nahitabo sa Tangub City nga midaog ang tanan nila nga mga kapartido ug ilang mga gisuportahan nagpasabot lamang nga ang magtanon og daghan mag-ani usab og daghan.
Saysay niini nga human sa ilang pagpanumpa ila na usab nga suklian sa maayong serbisyo ang gipakitang pagsalig ngadto kanila.
Gawas nga gitawag nga Christmas symbols capital of the Philippines ang Tangub City gitawag na usab kini og the City of 15-0 human mangharos ang National Unity Party (NUP) sa maong siyudad.
0 comments:
Post a Comment