DXDD ONLINE


Napilding kandidato, gipasakaan og illegal possession of fire arms

Thursday, June 27, 2013

CLARIN, Misamis Occidental—Hingpit na nga gipasakaan og kaso ang usa ka napilding kandidato sa pagka-mayor niining lungsod human nga nakuhaan og assorted nga mga hig powered fire arms.
 
 Gipasakaan og kaso si Seminarito Tagaloguin sa Criminal Investigation and Detection Group (CIDG) Misamis Occidental human makuha gikan sa panimalay ug sa tulo ka mga sakyanan niini ang tag-as nga mga kalibre sa armas. Gipasakaan og paglapas sa PD 1866 as amended sa RA 8294 o Illegal Possession of Firearms and Ammunitions ug laing kaso nga illegal possession of explosives. 

Kahinumduman nga gi-raid sa mga sakop sa CIDG sa pagpanguna sa opisyal niini nga si Police Chief inspector Benjie Calapiz ang panimalay ni Tagaloguin niadtong Hunyo 25. Nakuha sa maong pag-ronda mokapin sa napaulo ka mga high powered nga mga armas ug ingon man mga bala ug mga explosibo. 

Ang mga nakuha sa CIDG naglangkob sa usa ka .38 revolver, M14 Rifle, Garand rifle springfield, M16 rifle, M79 grenade launcher, Thompson sub machine gun, Contender Sub Machine gun. 

Laing nakuha sa maong pag-ronda ang laing unit sa M1 Garand Rifle, 12 Gauge Shotgun Squibman, ug 12 Gauge Shotgun ARMSCOR. Sa maong pag-raid sa CIDG nakuha usab ang mga nagkadaiyang mga bala sa maong mga nahisgutan nga armas. 

Lakip sa nakompiska ang 21 ka M203 grenade. Sa gipahigayon nga pagpangronda, wala si Tagaloguin sa iyang panimalay apan napadayon ang pag-search nga walay problema pinaagi usab sa pag-saksi sa duha ka mga barangay officials sa Poblacion 4 nga sila si Kagawad Jumel Surenas ug Archer Caldderon. 

Nahinabi usab sa CIDG si Tagaloguin nga mipadayag nga didto na lamang siya sa korte mopakita sa iyang mga lisinsiya sa maong mga armas hinungdan nga giduso ang kaso ngadto sa piskalya sibo usab sa pahayag ni Calapiz.

0 comments:

Post a Comment