Unang adlaw sa registration sa COMELEC gisugat og daghang problema

OZAMIZ CITY--KAWALAY hustong sistema ang reklamo sa mga mga batan-on ug hamtong nga nag-parehestro sa buhatan sa Commission on elections (COMELEC) sa Ozamiz sa unang adlaw niini sa voters registration.

Kasagaran nga mga reklamo sa mga ginikanan ang kawalay hustong pamaagi hinungdan nga nagpunsisok  ang mga nagparehistro.

Saysay sa usa ka ginang nga wala na magpaila nga alas otso sa buntag pa sila sa buhatan sa Comelec apan alas tres na lamang sa hapon wala pa sila makaabante.

Gibasol  niini ang Comelec tungod kay dili maayo ang han-ay sa paagi sa pagrehistro sa mga bonate hinungdan nga nagdasok pag-ayo.

Saysay niini nga ang uban nga mga batan-on mi-absent lang sa ilang klase aron nga makaprehistro apan pakyas sila tungod kay hapon na lang wala ma gyud sila makaabante.

Sa iyang kabahin, gipadayag ni Barangay Chairman Roderick Delvo sa Gala, Ozamiz City nga iyang gikuyugan ang iyang mga constituents nga moparehistro apan hapon na lang wala pa mahuman tungod sa kadaghan sa mga nagprehistro ug walay hustong sistima.

Saysay ni Delvo nga sa iyang tan-aw kulang sa mga personahe ang COMELEC aron nga maakomodar gilayon ang tanan nga nagprehistro.

Walay opisyal nga pahayag ang COMELEC may labot sa maong suliran tungod kay out of town ang COMELEC officer sa Ozamiz niadtong higayuna.(NEPTALIE BATOLENIO)