TANGUB CITY--NASIKOP sa hiniusang puwersa sa kapolisan ang
giila nga Top 3 Most wanted sa Tangub City.
Nadakpan sa kapolisan ang usa ka Patricio Lascuna y
Mirafuentez, 48 anyos, minyo, walay trabaho ug nagpuyo sa Barangay Banglay
Tangub City.
Ang pagkasikop ni Lascuna pinaagi sa gahom sa pending warrant
of arrest nga gipagawas ni kanhi
Branch 16 Judge Resurection Inting sa 10th Judicial Region sa
kasong Homicide.
Ang maong dinakpan nag-atubang usab kini og kasong robbery
sa Pagadian City.
Gipahayag ni Police chief inspector Elmer Decen sa Police
Provincial Office sa Misamis Occidental nga taudtaud na nila nga gipangita si Lascuna ilabina sa
kasayuran nga ilang nakuha nga kuyog kini sa grupo ni Ricky Cadavero alyas Kambal ang gitudlong
lider sa Ozamiz Robbery Group.
Nasayran nga si Lascuna nalambigit sa daghang kaso sa
pagpanulis sa Tangub City.
Ang pagkasikop ni Lascuna pinaagi usab sa pagpakig-alayon ni
Boardmember Ricardo Parojinog, ang Chairman sa Committee on Peace and Order sa
Misamis Occidental.
Sa iyang kabahin, gipanghimakak ni Lascuna nga sakop siya sa grupo ni Kambal gani gisugilon niini nga wala siya makaila niini.(BETHSER DABLO)
Sa iyang kabahin, gipanghimakak ni Lascuna nga sakop siya sa grupo ni Kambal gani gisugilon niini nga wala siya makaila niini.(BETHSER DABLO)
0 comments:
Post a Comment