Duha ka kauban ni Kambal nadakpan sa PNP sa Ozamiz

DUHA ka mga giingong kauban sa napatay nga si Ricky Cadavero alyas kambal ang nadakpan sa hiniusang puwersa sa Philippine National Police (PNP) sa Ozamiz City ug sa PNP provincial command.

Ang duha ka mga suspetsado naila nga sila si  Richard Adelan y Damas, 33 anyos, minyo ug usa ka 15 anyos  nga minor de edad.

Nasikop ang duha atol sa gipahigayon nga operasyon sa mga sakop sa Misamis Occidental  Provincial Police Office, Criminal Investigation Group (CIDG), Philippine Drug Enforcement Agency (PDEA), Task Force Panguil,  Regional Special Operations Group (RSOG) niadtong Hulyo 19 sa may alas 10:00 sa buntag.

Nadakpan ang duha ka mga suspetsado sa  Purok 1, Barangay Cogon, Ozamiz City.

Sa maong operasyon nakuha ang siyam ka sachet sa shabu, P200 Bill nga marked money sa posisyon sa mga suspetsado.

Ang mga suspetsado ang anaa karon sa temporary detention cell sa Ozamiz City PNP. (NEPTALIE BATOLENIO)