OZAMIZ CITY--GISUGAT og lihok protesta ang ika-upat nga
State of the Nation Address (SONA) ni
Presidente Benigno Noynoy Aquino III sa Ozamiz City.
Milibot sa siyudad sa Ozamiz ang grupo sa ADPEACE,
Magbabaol-KMP, KMU, ANAKPAWIS, RMP, Gabriela, Bayan Muna ug Kabataan Party.
Sa ilang paglibot sa dakbayan sa wala pa magsugod ang SONA dala niini ang daghang mga placards nga
nakasulat ang ilang pagsaway sa tulo ka tuig nga pangatungdanan ni Aquino.
Kagutom, walay trabaho, kaubos sa suholan, demolisyon sa
kabalayan, kawalay yuta, taas nga presyo sa gasoline, kamahal sa palaliton,
walay edukasyon, militarisayon, pagpangyatak sa tawhanong katungod, dislokasyon
sa katawhan, pagmina, pagpribado sa sosyal nga serbisyong katilingbanon mao ang
ilang gisinggit nga nasinati sa katawhan sa tulo ka tuig nga pangatungdanan ni
Presidente Aquino.
Giasaway usab sa maong mga naglihok protesta ang gipasiatab
nga paggawas sa Gross Domestic Product (GDP) nga 7.8% o pagkusog sa dagan sa ekonomiya nga wala
mabati sa katawhan.
Saysay sa maong grupo nga walay tinuoray nga serbisyo nga
gipadangat ang administrasyong Arroyo sa tulo ka tuig nga pangatungdanan ug
dili tinuod nga ang katawhan mao ang BOSS ni Aquino apan ang giingong padayong
pagpaka-itoy sa Pilipinas ngadto sa Amerika.
Gisinggit usab sa mga nag-rally nga nagpadayon ang
corruption sa nasud u gang ka walay hustisya ilabina sa mga nahitabo nga
extra-judicial killings.
Hinungdan nga nanawagan ang maong mga nag-rally nga padayong
panaghiusa sa katawhan nga batukan ang mga kontra-katawhan nga hinimuan sa
hakug sa gahom nga mga opisyal sa Pilipinas.(NEPTALIE BATOLENIO)
0 comments:
Post a Comment