OZAMIZ CITY: ISIP kabahin sa gihingusgan nga kampanya sa mga
sakop sa kapolisan niining siyudad, nasakmit niini ang ginadiling droga gikan
sa driver sa usa ka de pasahero nga bus.
Sa gilusad nga operasyon sa mga sakop sa Philippine National
Police (PNP)-Ozamiz nakuha gikan sa usa ka driver sa Rural Transit Mindanao
Incorporated (RTMI) ang upat ka sachet sa gituohang shabu.
Nasayran nga ang upat ka sachet sa shabu nakuha nga
giipon sulod sa mga piyesa sa cellular
phone.
Sibo sa pahayag sa driver sa maong sakyanan nga adunay usa
ka tawo nga miduol kaniya nga nagpadala niini padulong sa Dipolog City.
Apan wala pa makalarga nakompiska nang daan sa mga sakop sa
kapolisan.
Samtang sa pikas nga bahin, mitaho sa kuwerpo sa kapolisan
sa Ozamiz ang usa ka Rey Orcullo ug mitaho nga ang iyang motor single nga
giparada atubangan sa Ozamiz City Public Mall ang gikawat kini sa wala maila
nga mga suspetsado.
0 comments:
Post a Comment