Session sa Ozamiz City Council 100% ang attendance

OZAMIZ CITY: Mitambong ang tanan nga mga sakop sa Ozamiz City council sa labing unang regular session sa pagsugod sa ilang pangatundanan.

Gipangunahan ni Ozamiz City Vice-mayor Nova Princess Parojinog-Echavez  ang unang sesyon uban sa napulo ka mga konsehales niini. 

Kini naglangkob nila ni  Octavio Parojinog, Jr., Baraks Cantago, Mikel Tagal, Matronilo ‘Loloy’ Cartajenas, Rico Auman, Girlet Launsing, Dodong Saquin, Fritz Neil Balgue, Romeo Jimenez, ug Taryn Mecaros.

Lakip sa mitambong si ABC president Rosalina Francisco ug ingon man si SK federated President Sofronio Vazquez.

Si Rosalina Francisco bag-o lang usab nga natudlo nga ex-officio member sa Sangguniang Panglunsod sa Ozamiz human nga si ABC  president Reynaldo Parojinog, Sr., ang midaog nga bag-ong mayor sa Ozamiz.

Sa unang session gituki sa mga magbabalaod ang house rules ug ingon. man ang nagkadaiyang chairmanship sa nagkadaiyang mga komitiba.

Si Echavez mao ang kanhi mayor apan midagan sa pagka-bise mayor.

Naglaom si Echavez nga ang ilang tandem sa iyang amahan magdala og daghang mga kalambuan sa dakbayan sa Ozamiz.

Si Mecaros ang napili nga Majority floor leader, si Cartajenas ang Assistant majority floor leader samtang si Cantago ang Minority floor leader.