GIPANIMANGNUAN ni Ozamiz City Mayor Reynaldo Parojinog,
Sr., ang mga empleyado sa gobiyerno nga tarungon ang pagserbisyo ngadto sa
katawhan.
Ang pahayag ni Parojinog may dason sa una na nga pahayag
ni Ozamiz City Vice-Mayor Nova Princess Parojinog-Echavez may labot sa giingong
mga empleyado sa gobiyerno nga adunay mga personal nga mga interest nga nagsige
lamang og palusot aron nga makasapi.
Gipadayag ni Parojinog nga kinahanglan nga ipakita ang
tiunay nga serbisyo ngadto sa katawhan ilabina nga ang gisuweldo sa mga
empleyado naggikan sa buhis sa katawhan.
Iyang gipahimangnuan ang mga trabahante sa Ozamiz City
hall nga dili mobiya oras sa ting trabaho og moadto sa mga sugalan tungod kay
usa kini ka dili maaayong paagi sa pagserbisyo.
Gipaniguro niini nga ang unsa man nga mga dili maayong
talan-awon may labot sa pagserbisyo dili kini niya tugutan sa iyang pagdumala
karon isip mayor.
Gipunting usab ni Parojinog ang mga lumilihok sa City
Engineer’s office nga nagtrabaho sa field partikular sa mga drainage nga igo lamang mo pala og tag-pila ka dugsak
unya magpaabot na sa alas singko sa hapon aron makauli.
Lakip sa gipahimangno sa mayor nga kon molakaw kinahanglan nga mo-file og leave gumikan kay
aduna siyay namatikdan nga mga trabahante nga mo-absent nga dili gani
mananghid.
Labing gipaniguro usab niini nga mahatagan og suweldo
kadtong mga casuals nga tinuod nga nagtrabaho sama sa mga manilhigay nga sayo
pa kaayo momata sa buntag. Sukwahi sa iyang namatikdan nga adunay mga casual
employees nga naa sa bugnaw nga mga opisina nga wala gani gihimo apan una pa
nga nakadawat sa suholan, itandi niadtong mga naghago.
Gipaniguro sa mayor nga dili na kini mahitabo, tungod kay
lahi na nga Aldong ang makita sa katawhan nga manerbisyo.
0 comments:
Post a Comment