MOKAPIN sa
P100,000 ang nadala sa mga wala mailhi nga mga kawatan human nga gisulod
niini ang Immaculate Concepcion Cathedral Parish, Catholic Church sa Ozamiz
City.
Sa gihimo
nga pakisusi, naabri sa mga kawatan ang improvised vault nga gipahiluna sa luyo
nga bahin sa Cathedral pinaagi sa pagbukas sa kandato niini.
Gipadayag ni
Assistant Parish Priest Marvin Osmena nga aduna na silay gihimo nga
imbestigasyon may labot sa maong hitabo.
Gituohan nga
adunay duplicate sa yawe ang mga suspetsado tungod kay naabri niini ang kandato
sa maong vault.
Nasayran nga
si Fr. Marvin Osmena ug ang Finance department sa Cathedral ang naghupot sa
yawe sa nahisgutan nga vault.
Ang P100,000
kapin nga salapi nga gisulod sa maong vault ang collection sa simbahan sulod sa
usa ka semana.
Gituohan nga
mga kaadlawon ang pag-atake sa maong mga kawatan tungod kay bisan ang security
guard wala makabantay niini.
Hinuon, apil
ang security guard sa giembistigan.
Usa sa
gitutukan karon ang anggulong inside job.
Gikahibugngan
sa pipila nga sa pagkutlo niining taho, wala kini gipa-blotter sa kuwerpo sa
kapolisan.
0 comments:
Post a Comment