Polis nanawagan sa suporta sa katawhan

TALIWALA sa mga negatibong reaksiyon batok sa kapolisan sa Ozamiz tungod sa sunod-sunod nga mga nahitabong krimen human sa piniliay, nanawagan gihapon si Superintendent Jonas Amparo, hepe sa kapolisan ngadto sa katawhan sa ilang suporta. 

Gipadayag ni Amparo nga gumikan sa walay kooperasyon sa katawhan sa dakbayan lisod nga kahatagan sa kasulbaran ang mga nahitabong krimen. Saysay ni Amparo nga kumon na kaayo ang pulong ‘AMBOT’ sa mga katawhan sa Ozamiz ilabina og adunay mahitabong kremin.

 Dugang ni Amparo nga sa mga kaso sa pagpamusil wala silay makuha nga motestigo hinungdan nga maglisod sila sa ilang imbestigasyon. Pasabot ni Amparo nga kon aduna lamay mobarog nga mga testigo posible nga dali nga makaabante ang mga kaso sa dakbayan aron nga kahatagan kini og kasulbaran. Tungod sa maong talan-awon, gipadayag ni Amparo nga laing pamaagi na lamang ang ilang gihimo aron nga masulbad ang kremin.

 Usa sa ilang gihimo mao ang profiling sa mga biktima sa kremin. Labing ulahi nga biktima sa kaso sa pagpamosil ang usa ka Juan Dongallo, Jr., niadtong Hunyo 14 nga natusaktusak sa mga bala human giposil saw ala mailing tulo ka mga suspetsado.

 Gisugilon ni Amparo nga ang pagposil ni Dongallo ug ang pagposil-patay sa usa ka biktima sa Barangay Aguada human sa piniliay adunay komon nga anggulo nga gitutukan. Bisan pa man sa mga kremin nga nahitabo sa Ozamiz City gipadayag pa gihapon ni Amparo ang kontrolado ang peace and order sa Ozamiz.