Information dissemination alang sa HIV/AIDS gipahigayon

OZAMIZ CITY--PADAYON ang gilusad nga information dissemination sa  Ozamiz City Health office may labot sa Human immunodeficiency virus infection / acquired immunodeficiency syndrome (HIV/AIDS) ngadto sa 51 ka mga barangay sa dakbayan.

 

Gipadayag ni Merlie Silva, HIV/AIDS coordinator sa Ozamiz City Health Office nga labing gihingusgan ang kampanya a pagpasabot sa katawhan may labot niini tungod kay departamento sa maayong panglawas naalarma sa padayong pagtaas sa gidaghanon sa mga nakabaton sa maong sakit.

Gidugang ni Silva nga ang Pilipinas usa sa pito ka nasud nga nagtaas ang kaso sa HIV/AIDS.

Kahinumduman nga una na nga mipagawas ang Department of Health (DOH) ug pahibalo nga sa tibuok region 10 mitaas ang gidaghanon sa kaso sa HIV/AIDS diin 95 porsiento niini mga nataptan mga lalaki.

Diin kasagaran sa mga lalaki nagpangidaron sa 25 ngadto sa 29 anyos. Saysay niini nga kini kasagaran gumikan sa giingong mga lalaki nga nakigdulog sa mga lalaki.

Sa tibuok, rehiyon 10 sa ratio nga gipagawas sa DOH adunay usa ka biktima sa matag semana.