Binay mobisita sa Ozamiz?

GIKATAKDA nga mobisita sa Ozamiz City si Vice-president Jejomar Binay atol sa ika 63 nga charter anniversary sa dakbayan.

Sa nakuha nga kasayuran, si Binay ang usa sa pinasidunggan nga bisita sa nasangpit nga kalihukan. Hinuon wala pa musab mapaklaro kon aduna na bay pag-uyon sa buhatan sa bise president ang iyang gikatakadang pagbisita sa siyudad.

Nasayran nga bisan pa man nga hangtud karon wala pa kapagawas og han-ay sa kalihukan ang Local nga Pangagamhanan sa Ozamiz sa han-ay sa ika 63 nga charter anniversary aron nga kini ikasabuwag usab ngadto sa katawhan.

Kahinumduman nga niadtong mga nakalabay nga mga kalihukan, usa ka bulan pa aduna nay han-ay nga ikapagawas ang buhatan sa tourism apan sukwahi karon nga gisugdan na ang pipila ka mga activities wala pay nahatag ilabina ngadto sa mga sakop sa media nga ilang giingon nga kaabag alang sa kalamboan sa dakbayan.

Sa gihimo nga pagkisusi sa dxDD-AM News Team gikan sa kasaligan nga tinubdan, gipadayag niini nga ang human resource management office ang responsabli sa pagpagawas sa mga han-ay sa kalihukan sa dakbayan.

Bisan pa man niana gidahuman, nga magmalamposon ang kasaulogan.(NEPTALIE BATOLENIO)