Legilsative perfromance report sa SP gipahigayon

OROQUIETA CITY--SA tinguha nga masayod ang katawhan sa mga nahimo sa mga sakop sa Sangguniang Panlalawigan (SP) sa Misamis Occidental gipahigayon ang usa ka legislative performance report.

Ang performance report nakabase sa ilang mga nahimo sukad niadtong Hulyo 1 ngadto na sa Disyembre 31, 2010.

Gipadayag ni Misamis Occidental Vice-governor Henry Oaminal nga gituyo nga gipahigayon ang maong kalihukan gumikan kay nagtuo sila nga taas og expectation ang katawhan sa mga nahimo nila sa ilang pangatungdanan.

Nasayran nga tanan nga mga board members sa una ug ikaduha nga distrito ang mipadangat sa ilang report sa hawanan sa SP gawas lamang ni 2nd District Board member Ricardo Parojinog gumikan kay wala kini makatambong sa wala pa masayri nga dili malikayan nga kakulian.

Nasayran nga ang Sangguning Panlalawigan sulod sa unom ka bulan nila nga pangatungdanan nakapahigayon na og 16 ka regular session ug lima ka special session.
Nakapanday usab sila og 12 ka ordinansa ug 122 ka mga resolutions.
Atol sa maong kalihukan gipasidunggan usab ang mga boardmembers nga adunayh maayong performance sa ilang mga komitiba.(NEPTALIE BATOLENIO)