Panguil Bay Bridge madayon na gyud

POSIBLE nga mahinayon na gyud ang Panguil Bay Bridge (PBB) sa panahon karon ni Presidente  Noynoy Aquino.

Ipaagi sa Public Private Partnership (PPP) ang  katukoran sa PBB  nga mag dugtong sa Misamis Occidental ug Lanao del Norte sa ubang bahin sa Mindanao ug sa tibuok Pilipinas.

Gipadayag ni Misamis Occidental 2^nd District representative  Loreto Leo Ocampos nga   iya na nga nahinabi ang mga hingtungdang opisyal   ilabi na sa mga kalihim sa DPWH, DBM, ug NEDA ug gituki ang kalabot sa pagpahimutang sa pipeline of projects sa national government , ang kalabot sa PBB.

Iyang gidugang nga ang tinguha alang sa katumanan sa maong tulay, natunong sa programa ni Presidente  Benigno Simeon “ Noynoy Aquino III, nga magtinabangay ang gobyerno ug ang publiko  pinasikad sa Private- Public Partnership .

Gani taas  ang confidence level sa mga langyawng investors  sa administrasyon ni Presidente Aquino, aron mopundo sa nasangpit nga  proyekto.

Gipasabot ni Ocampos nga  dugay na ng gipaabot sa katawhan ang katumanan sa panguil bay bridge, kay kini ang magdugtog sa Misamis Occidental ug Lanao del Norte lagbas sa panguil bay nga mao makadugang sa kaaktibo sad is og sa ekonomoya sa Mindanao.

 Gani  ang maong tulay ang  maisip  unya nga bridge of  peace , bridge of friendship o kaha bridge of love.

Kahinumduman nga sa higayon nga  matuman na ang pag tukod sa maong tulay, dili na lisod alang sa  tanan nga  motabok  lagbas sa panguil bay sa bisan unsang oras.

 Nasayran nga sa pagkakaron, lisod alang sa taga Misamis Occidental o kaha sa taga Lanao del norte ang pag tabok kon dis oras na sa gabii gumikan nga ang serbisyo sa barge hangtud lamang sa alas 9:00 sa gabii, busa ang mga byahedor ilabi na sa mga negosyante, ang malimitahan sa ilang oras sa pagbyahe.

 Una na nga gipadayag ni Ocampos, nga sa imaging administrasyon ni kanhi Presidente Gloria Mavcapagal Arroyo, hapit na unta kini masugdi, apan  duha ka mga  panghitabo nga nakaapekto diha sa pagsugod sa maong proyekto.

 Usa niini mao  ang nahitabo nga pag sulong ni kumander Bravo sa pipila ka mga lungsod sa Lanao del Norte, busa nahadlok ang langywng investors sa pag pundo sa proyekto u gang ikaduha mao ang  paghagsa sa ekonomiya sa tibuok kalibotan.

 Hinuon niining administrasyon ni PNOY malaumon si Ocampos nga kini mahinayon sanglit taas ang confidence level sa mga foreign investors  sa liderato ni Presidnte Noynoy Aquino. (NEPTALIE BATOLENIO)