GUMIKAN sa giingong daghang hitabo nga pagpanulis og bangko sa nasud, tinguha ni Misamis Occidental 2nd District representative Loreto Leo Ocampos nga patas-an ang silot sa mga tulisan.
Gipadayag ni Ocampos nga iyang iduso ang usa ka bala-odnon sa hawanan sa kongreso nga nagtumong lamang sa mga tulisan. Kon mahimo kining balaod kini pagatawgon nga Bank Robbery Act of 2010.
Nakalatid niini nga walay piyansa ang mga suspetsado nga manulis sa bangko, financial institution ug mga sakyanan nga nagkarga og kuwarta.
Gidugang ni Ocampos nga iyang nahunahunaan nga iduso ang nasangpit nga balaodnon gumikan kay adunay mga nadakpan sa pagpanulis apan makagawas ra gihapon tungod kay makapiyansa man kini.
Saysay sa kongresista nga kon hingpit na nga mahimo kining balaod posible nga mahadlok na ang mga tulisan tungod kay wala kini piyansa.(NEPTALIE BATOLENIO)
0 comments:
Post a Comment