Tawo giposil, patay

OZAMIZ CITY--HIKABSAN sa iyang kinabuhi ang usa ka hamtong nga lalaki human posila sa wala mailhi nga mga suspetsado.

Giila sa kapolisan ang biktima nga usa ka Alfredo Deonaldo, 64 anyos, minyo ug nagpuyo sa Jose Abad Santos Street, Carmen Annex, Ozamiz City.

Nasayran nga ang biktima anaa sulod sa iyang tindahan sa dihang kalit kini nga giposil sa wala mailhi nga suspetsado sa makatulo nga higayon.
Nakangkon og samad sa dughan ug sa dalunggan ang biktima.

Nakuha sa dapit nahitabuan ang duha ka basiyo sa kalibre .45 nga pistola.
Dali nga gidala sa tambalanan ang biktima apan hikabsan kini sa kinabuhi paglabay sa pipila ka gutlo.

Sa pagkakaron padayon pa ang makuti nga imbestigsyon sa kapolisan sa maong hitabo diin wala pa maestablisa ang motibo sa maong hitabo.(NEPTALIE BATOLENIO)