Capitol building ipa-renovate

OROQUIETA CITY--SUKWAHI sa unang gipadayag ni Misamis Occidental vice-governor Henry Oaminal nga dili prayuridad sa pangagamhanang probinsiyal ang pag-renovate sa capitol building.

Gani gipadayag ni Oaminal nga wala pa usab nila maditermina ang posible nga gastohon sa maong renovation.

Pasabot niini nga gumikan sa histotical value sa kapitolyo hinungdan nga ang wings side lamang niini ang posible nga i-renovate.
Unang gipasabot ni Oaminal nga wala pay contractor ug wala pay amount sa maong proyekto.

Apan sa nakuhang kasayuran, nasayran nga nagpahigayon sa ‘pagnagtagbo’ ang mga boardmembers sa Dakak Beach diin dito gihisgutan ang plano nga mo-loan ang panggamhanang probinsiyal og 200 ngadto sa 300 Milyones ka pesos alang sa proposed renovation.

Nasayran usab nga aduna nay contractor nga gikan sa kaulohan taliwala sa una na nga giingon niini nga plansahonon pa ang maong plano.

Nakigdugtong ang dxDD-News Bureau ngadto ni Oaminal alang sa iyang tubag niini ug misaad nga mopadayag sa tubag niadtong Lunes apan wala kini makatuman sa iyang gisaad.

Hinuon, sa pagkakaron bukas pa gihapon ang sibyaan sa iyang tubag aron sa pagpaklaro sa nasangpit nga hilisgutanan.(NEPTALIE BATOLENIO)