Christmas symbols festival sa Tangub suportahan sa probinsiya

TANGUB CITY--Hugtanong gisuportahan sa kagamhanang probinsyal sa lalawigan sa Misamis Occidental ang subling pagbukas sa Christmas symbols festival niining dakbayan sa umaabot nga bulan sa Disyembre.

Gipadayag ni Misamis Occidental governor Herminia Ramiro nga isip kabahin sa programa sa turismo sa lalawigan nag-gahin na ang iyang buhatan og pondo alang sa pagsalmot sa Christmas Symbol sa Dona Maria D. Tan Hospital (DMDTMH).

Ang DMDTMH anaa mahimutang sa Tangub City.

Iyang gidugang nga adunay gigahin nga pondo ang iyang buhatan alang sa pagsalmot sa emergency hospital sa Tangub sa mga kalihukan sa Christmas symbols festival.

Kini gitawag sa gobernador nga paagi sa pagsuporta sa kalihukan sa Tangub City.

Kahinumduman nga sulod sa 19 ka tuig nga pagpahigayon sa Christmas symbols festival sa Tangub niadtong nakalabay lamang nga tuig 2009 wala makasalmot ang entry gikan sa DMDTMH tungod usab sa wala pagtugot sa kagamhanang probinsyal niadtong higayona nga ilalom pa sa pagdumala ni kanhi governor ug karon congressman Loreto Leo Ocampos.

Kini human nga minit ang hilisgutanan sa politika niadtong higayona.

Nag-atbang sila si former Tangub City mayor Jennifer Tan, former Ozamiz City mayor ug karon barangay Santa Cruz chiarman Reynaldo Parojinog, Sr., ug Ocampos a pagkakongresista sa segundo distrito sa Misamis Occidental.

Si Ocampos ang midaog.


Sa kasamtangan gisugdan na pagtrabaho ang Christmas symbol sa Tangub sa City plaza ug ang DMDTMH mao ang ika 12 nga entry nga naglangkob sa 18 ka mga christmas symbols festival.

Nasayran nga adunay dakung kabag-ohan nga mahitabo sa christmas symbols festival niining tuiga diin gilaomang madugangan pa ang kaanindot niini.

Kini bisan pa, sa gihingusgan pagdaginot sa kagamahan ni Tangub City mayor Philip Tan ang pag menos sa mga galastohon nga haom usab sa kampanya ni presidente Aquino.

Matag entry gikan sa arko,parol ug christmas symbol labing nindot kini sanglit pagagamitan kini sa technolohiya nga gigamit sa taga san Fernando City, Pampanga nga naila nga lantern capital of the Philippines.(NEPTALIE BATOLENIO)