Mass Oathtaking himuon atol sa birthday sa mayor

OZAMIZ CITY--HINUSANG manumpa ang mga midaog nga mga offcials sa Barangay ug sa Sangguniang Kabataang (SK) sa Ozamiz City atol sa adlaw nga natawhan sa punong ehekutibo.

Sa nakuhang kasayuran, nasayran nga atol sa adlaw nga natawhan ni Ozamiz City mayor Nova Princess Parojinog-Echavez ipahigayon usab ang hinusang pagpanumpa sa mga midaog karong Nobiyembre 5.

Ipahigayon kini sa Medina Gymnasium.

Posible usab nga si Department of Interior and Local government (DILG) secretary Jessie Robredo ang mopahoral sa mga barangay ug SK officials.
Una na usab nga gipadayag ni Echavez nga atol sa iyang adlaw nga natawhan ipahigayon usab ang mass wedding. Diin posible usab nga a mag-ninong sa 250 ka parisan ka mga kaslonon si Senator Francis ‘Chiz’ Escudero sa maong kahimuan.
Nasayran nga giimbetahan ni Ozamiz City mayor Nova Princess Parojinog-Echavez ang senador atol sa iyang ika-28 ka adlaw nga natawhan.

Sa maong kasaulogan himuon sa Medina Gymnasium ang Kasalan ng Bayan nga adunay 250 ka mga parisan nga magpakasal.

Saysay ni Echavez nga iyang gituyo nga si Escudero nga mahimong maninoy sa mga kaslonon ilabina nga dako usab ang iyahng pagsalig sa senador ug gawas pa mi-bilib siya sa katakos niini ilabina diha sa panerbisyo.
Pasabot usab sa mayor nga ang 250 ka mga kaslonon walay pagabayran diin libre ang tanan gumikan kay gitubag na kini ni Echavez.(NEPTALIE BATOLENIO)