Senior Citizen week malampuson nga gisaulog

OZAMIZ CITY--PINAAGI sa tema nga “Tanglaw ng Bayan, Kaagapay sa matuwid na daan”, nagmalampuson ang kasaulogan sa Senior Citizen sa Ozamiz City niadtong Oktobre 11 ngadto sa 15.

Pinaagi sa pagpanguna ni Ozamiz City Councilor Cecilia Mabanag, chiarperson sa committee on Senior Citizens gipahigayon ang nagkadaiyang han-ay sa usa ka semana nga kalihukan.

Niadtong petsa 11 gipahigayon una ang usa ka santos nga misa sa Immaculate Concepcion Cathedral. Gihimo usab ang mga indoor sports sa mga senior citizens sama sa dart, table tennis, chess ug dama.

Paka-Oktobre 12 nagpahigayon ang senior citizens og cleanliness drive ingon man medical outreach mission.

Labing nalingaw usab ang kahugpungan sa gipahigayon nga socio cultural activities niini pagka petsa 14 ilabina sa bangga sa sayaw sama sa Cha-cha, Booogie, Tango ug Curacha.

Lakip usab niini ang Balak contest.

Atol sa culmination program sa senior citizens week, gihimo usab ang coronation sa napili nga “Matron Queen 2010” sa Ramiro Gym nga gitambungan sa mga nagkadaiyang senior citizens sa 51 ka mga barangay sa Ozamiz City.(NEPTALIE BATOLENIO)