Ozamiz andam na sa election

OZAMIZ CITY--SA tuyo nga dili na usab mapasanginlan ang ngalan sa mga Parojinog ug ang iyang administrasyon, tinguha ni Ozamiz City Mayor Nova Princess Parojinog-Echavez nga mahimong magmalinawon Barangay ug Sangguniang Kabataan Elections karong Oktobre 25.
Gipadayag ni Echavez nga pinaagi sa hut-ong sa mga sakop sa Philippine National Police (PNP) ug sa uban pang awtoridad iyang gipaniguro nga paningkamutan nga magmalinawon ang piniliay.
Dugang ni Echavez nga gusto niya nga mabatonan sa dakbayan ang gitawag nga limpyo ug malinawon nga piniliay sama sa nahitabo sa nakalbay nga elections.
Nabalaka lamang si Echavez nga basin adunay mohimo og ‘scenario’ o kagubot aron lamang dauton ang iyang administrasyon.
Saysay niini nga isip pagpangandam, nagmugna ang local nga pangagamhanan sa Ozamiz og command center nga gilangkuban sa mga sakop sa PNP, Armed Forces of the Philippines ug mga sakop sa local nga pangagamhanan.
Gani sa panahon sa piniliay sa matag polling precinct adunay ipahiluna nga usa ka sakop sa PNP.
Sa iyang kabahin, gipadayag ni Police Superintendent Gervacio Balmaceda, Jr., Ozamiz City chief of police nga iyang ipakatag ang mga sakop sa kapolisan ug adunay gipakatag usab nga mga sakop sa militar aron sa pagpatunhay sa dagan sa kahusay ug kalinaw sa Ozamiz sa panahon sa bugnong lugaynon.
Aduna usay hotline nga gihatag ang command center nga mao ang 0999-498-0422, 521-0100, 521-0270 ug 521-1390. (NEPTALIE BATOLENIO)