Menor de edad patay; batan-on gihold-up

OZAMIZ CITY--Padayon pa ang imbestigasyon sa kapulisan sa usa ka biktima sa pagpamusil ng niadtong Oktobre 10, sa may alas 6:30 sa gabie.

Ang biktima giila sa kapolisan nga si Roland Mangayan Pacaña kinsa giposil sa wala mailhi nga mga suspitsado sa atubangan nga bahin sa Unitop store.
Ang biktima nakaangkon og samad pinusilan sa iyang ulo nga bahin ug sa may kalawasan gamit ang kalibre 45 nga pistola nga maoy gituohan sa iyang hinanaling kamatayon.

Ang biktima usa ka ka out of school youth kinsa gadako kini sa pagpamaligya lamang og kandila ug pagpamantay og mga sakyanan sa kadalanan.
Sa pikas bahin, usa ka biktima sa hold-up ang mireklamo sa mga sakop sa kapolisan niining siyudad.

Ang biktima naila nga si Jason Vago Papa, 33 anyos usa ka ulitawo ug medical representative ug lumolupyo sa Purok Malig-on Tinago, Ozamiz City.
Asoy sa biktima nga usa ka wala mailhi nga suspetsado ang mihold-up kaniya gamit ang wala matino nga kalibre sa pistola.
Nahitabo ang insedente sa usa ka internet café sa may Ledesma/Abanil St, Ozamiz City.

Nadala sa suspetsado ang usa ka cellphone nga mobalor ug P 40,000.00 (MANUEL RONQUILLO, JR.)