Mag-uuma gipusil patay

OZAMIZ CITY--Usa ka mag-uuma gipusil- patay sa wala mailhi nga mga suspitsado gamit ang wala matino nga kalibre sa armas.

Naila ang biktima sa pagpamusil nga si Avelino Jumalon Paredes 55 anyos usa ka mag-uuma nga lumolupyo sa Purok-2 Tabid, Ozamiz City..

Nahitabo ang pagpamusil patay niadtong Oktobre 12 sa may alas-10 ang takna sa gabii.
Patay diha diha ang biktima human kini nakaangkon og samad pinusilan sa nagkadaiyang bahin sa iyang kalawasan.

Nagpadayon pa gihapon ang imbestigasyon sa kapulisan aron matumbok niini ug kon kinsa man ang responsible sa maong hitabo.(MANUEL RONQUILLO, JR)