Solid waste management project sa ozamiz wala modulot – DENR

OZAMIZ CITY--WALA modulot ang katumanan sa solid waste management project sa dakbayan sa ozamiz. kini ang gibulgar ni Teresa Degamo, sa Department of Environment and Narural Resources (DENR).

Atol sa press conference, gipahayag ni Degamo, nga bisan kon gisunod sa lokal nga kagamhanan sa Ozamiz ang katumanan sa RA 9003, apan wala kini modulot bisan mismo diha sa Ozamiz City Hall.

Kini gumikan sa kakulang sa tinud-anay nga pagsunod sa mga tawo sa balaod alang sa paglain-lain sa matang sa basura. 

Gipasabot ni Degamo, nga bisan kon dunay mga sudlanan nga gipahimutang haom sa matang sa basura, apan kon buksan ang mga sudlanan malita niini nga ang mga basura, nagsagol lamang gihapon . 

Kini ang hinungdan nga ang ilang buhatan sa DENR, nagpadayon sa pag awhag sa katawhan nga tinud-on ang pagtuman sa waste segregation aron makabaton sa hinlo nga palibot ug pinaagi sa maong sistema mahmong dugang income ang basurta sanglit mahalin na ang mga plastic, botelya, karton, lata, sin ug ban pa

Nasayran nga nakatampo ug dako diha sa tumang kainit sa palibot mao ang pagdaghan sa mga plastics.

Kini gumikan nga nahimong uso na ang paggamit sa mga plastic nga sudlanan bisan sa mga merkado publiko.

Gipahayag ni mrs,. delia ayano,a ng provincial director sa DTI Misamis Occidental, nga ang kasamtangang tema sa kasaulogan sa consumer month ning bulan sa Oktobre, nakasentro diha sa kaayohan sa mga konsumante nga nagkanayon, “ Consumer :The Green Multipliers.”, 

Hinuon giklaro ni Ayano, nga wala kini magpasabot nga undangon ang pag himo ug mga plastic, kondili ipatuman ang gidiktar sa balaod alang sa igong pag hipos niini. 

Gidugang pa sa Provincial Director nga ang pag himo ug plastic usa ka paagi sa negosyo nga dili angayang pugngan. kondili i- regula lamang .(Marilyn Toriba with reports from Balita Patrol)