Echavez makigkita sa Chief PNP

NAGHIMO og opisyal nga sulat ang local nga pangagamhanan sa Ozamiz alang sa Chief PNP may kalambigitan sa gibuhian nga pahayag sa Cavite police nga ang Ozamiz group ang nalambigit sa tulis sa maong dapit.

Gipadayag ni Ozamiz City mayor Nova Princess Parojinog-Echavez nga aduna siyay sulat nga gihimo nga nakaadres ngadto sa Chief PNP may kalambigitan sa ilang kadismaya sa gibuhiang pahayag nga nagmention sa lugar sa Ozamiz sa usa ka nahitabong robbery.
Plano ni Echavez nga makigkita siya sa Chief PNP aron personal usab niya nga ikahatag ang nasangpit nga sulat.

Saysay ni Echavez nga nakaunod sa maong sulat ang senteminto sa Local Government Unit (LGU) sa Ozamiz nga matag adunay mahitabo nga robbery sa kaulohan ilambigit man niini ang ngalan sa siyudad.
Nakalatid usab sa maong sulat ang pagpahimangno sa pamunoan sa PNP nga magmatngon sa paggamit sa ngalan sa usa ka dapit sama sa Ozamiz bisan wala pa gipahigayon ang makuti nga imbestigasyon.

Dugang sa mayor nga ang nakataya niini angn mahimong epekto ilabina ang kaugmaon sa siyudad.(NEPTALIE BATOLENIO)