12 ka babaye nag-ilog pagka Miss Tangub City

TANGUB CITY--Dose ka maanyag nga mga kandidata ang nag-ilog sa korona sa Miss Tangub City Tourism 2010, alayon sa kapistahan sa nasangpit nga dakbayan karong Septiyembre 25.

Ang mga sakop sa National Union of Journalist of the Philippines (NUJP) Misamis Occidental Chapter ug sa Periodico News Network (PNN) Misamis Occidental mao usab ang mopili sa mahimong 'Darling of the Press'.

Niadtong Septiyembre 12, miatubang sa mga sakop sa media ang dose ka mga maanyag nga mga kadidata ug mitubag sa mga pangutana isip basehan sa mahimong Darling of the Press.

Ang mga maanyag nga kandidata naglangkob nila ni Joyce Ann Tigol nga nagrepresentar sa Southwest District, Christine Joy Canete,Unified High Schools; Justine Mae Toledo, Central District; Sarah Jean Gumban, National Agencies; Angelyn Gawayen, Local Government Unit; Cristy Lou Taping, Governor Alfonso D. Tan College (GADTC); Rina Lica Liwagon, South District; Shianne Grace Manego, Tangub City National High School; Zyvel Zapatos, North District; Jade Charmaine Manago, Northwestern Mindanao State College (NMSC); Cherry Joy Pitogo, Dona Maria D. Tan Memorial Hospital ug Christine Rose Hisola sa Association of Barangay Chairman and Sangguniang kabataan.

Tungod niini iyang giimbitahan ang katawhan sa pagsaksi sa mga kalihukan sa kapistahan ni St. Michael Archangel.

Nasayran nga ipahigayon ang search for Miss Talent sa pagka Septiyembre 21, pagka petsa 22 ang Cultural presentation ug pagka petsa 24 ang Coronation Night.

Sa iyang mensahe, gipadayag ni Tangub City councilor ug chairman sa maong kalihukan Edimar Alota nga ang maong kalihukan usa sa higlights sa daghan pa nga mga aktibidad alayon sa kapistahan sa maong dakbyan.