Darling of the press, napili nga first runner up

TANGUB CITY--NAPILI nga Darling of the Press si Shianne Grace Manego representante sa Tangub City National High School atol sa gipahigayon nga coronation night sa search for Miss Tangub City Tourism 2010.

Gawas usab niini siya ang migawas nga first runner up sa kulbahinam nga indigay sa kanyag ug salabutan.

Gihakot usab ni Manego ang mga minor awards sama sa Miss Absolute, Miss Uno International, Miss Mestiza Herbal Soap, 1st runner up sa Miss Talent, Miss Nature Spring ug Miss Negros Navigation.

Ang pagpili sa pagka-Darling of the Press pinaagi sa pagpaluyo sa National Union of Journalists of the Philippines (NUJP) Misamis Occidental Chapter ug Periodico News Network (PNN) Misamis.

Ang nahimong mananaog sa maong tigi mao si Jade Charmaine Manago nga nagrepresentar sa , Northwestern Mindanao State College (NMSC). Gawas nga nakuha niya ang korona, mihipos usab siya og minor ug major awards sama sa Best Mindanaoan Diwata Costume, Miss Babyflu powder ug Best in Swimwear.

Samtang ang nagrepresentar sa National Agencies nga si Sarah Jean Gumban mao ang second runner up diin mihipos usab og award sama sa Miss Talent, Miss Babyflu Cologne ug Best in evening gown.

Si Cristy Lou Taping, sa Governor Alfonso D. Tan College (GADTC) ang migawas nga 3rd runner up ug napili usab siya nga People’s choice.

Fourt runner up si Angelyn Gawayen sa Local Government Unit (LGU) kinsa napili nga Miss Friendship, Miss Balck Beauty Shampoo, Miss Chowking ug Miss Photogenic.

Ubang nakadawat sa award mao si Zyvel Zapatos sa North District nga mao ang 2nd runner up sa Miss Talent ug si Cherry Joy Pitogo sa Dona Maria D. Tan Memorial Hospital nga naka-award og Miss Babyflu Lotion.(NEPTALIE BATOLENIO)