PN P miawhag sa mga biktima sa budol-budol gang pagpakig-alayon kanila

OZAMIZ CITY--NANAWAGAN karon ang mga sakop sa Philippine National Police (PNP) sa tanan nga mga nabiktima sa ‘Budol-Budol Gang’ nga moadto sa kuwerpo sa kapolisan aron sa pagpasaka og kaso human masikop ang mga sakop sa nasangpit nga grupo.

Gipadayag ni Police superintendent Gervacio Balmaceda hepe sa kapolisan sa Ozamiz nga nadakpan sa kapolisan ang pito ka sakop sa maong ‘swindling syndicate ‘ human sa taas nga higayon nga pagpaniid base usab sa reklamo sa usa ka biktima.

Pasabot ni Balmaceda nga daghan na ang nabiktima sa budol-budol gang sa Ozamiz City hinungdan nga nanawagan sa mga biktima nga makig-alayon kanila aron labing molig-on ang kaso nga ipasaka sa maong mga suspetsado.

Sa iyang kabahin, gipadayag ni Ozamiz City mayor Nova Princess Parojinoog-Echavez nga usa sa nakapasayon nga nadakpan ang pito ka mga suspetsado pinaagi usab sa CCTV camera.

Gumikan niini gidayeg ni Echavez ang kapolisan sa nahimong kalampusan niini.(NEPTALIE BATOLENIO)