Cha-Cha sulbad sa kanunay nga brown-out--Ocampos

OZAMIZ CITY--Gikinahanglan ang mga international players aron masulbad ang kakulang sa supply sa koryente dinhi sa Mindanao.

Kini ang gipadayag ni Misamis Occidental Second District Congressman Loreto Leo Ocampos, Chairman sa Committee on Constitutional Amendments sa Kongreso

Atol sa interview sa programa nga Congress in Action sa nbn channel -4 , gipahayag ni Ocampos, nga kini ang nakita nga sulbad aron dili magsakripisyo ang taga Mindanao sa kakulang sa supply sa koryente nga gikinahanglan , busa kanunayng nakasinati ug brown out.

Apan dili kini maghimpos kon dili mausab ang mga probisyon sa constitution, nga nag limita sa gobyerno diha sa pagdapit sa mga international players.
Gumikan niini, nakita sa mga magbabalaod sa Pilipinas nga gikinahanglang ma usab ang constitution, aron masulbad kining maong problema.
Gipadayag ni Ocampos, nga kini lamang ang nakitang paagi aron mawala ang mga mahimong sagabal sa higayon nga mangita ug lakang ang gobyerno alang sa suliran sa brown out.

Kahinumduman nga ang Mindanao, kanunay nga nakasinati ug brown out ug kini ang usa sa mahimong sagabal diha sa padayong dis -og sa ekonomiya sa nasod.
Nasayran nga ang koryente ang usa sa mga tinubdan aron molagsik ang dis- og sa ekonomiya sa Pilipinas.(THATA ROXAS)