MisOc gidayeg sa kalampusan sa ika-81 nga kasumaran

OROQUIETA CITY--TUNGOD sa kalampusan sa kasaulogan sa ika 81 nga anibersaryo sa probinsiya sa Misamis Occidental, gidayeg kini dili tungod kay hilabihan kaanindot ang mga kalihukan apan gumikan sa kahiusahan niini ug sa koordinasyon sa mga namuno-an sa mga lungsod ug mga siyudad nga sakop sa lalawigan.

Sa bag-ohay nga natapos nga selebrasyon, ang for Mutya ng Misamis Occidental ug ang Festival of all Festivals mao ang nahimong highlights sa kasaulogan.
Sibo sa kasaysayan ang pagpahigayon og festivals of all festivals labing una nga nahitabo sa Misamis Occidental karong tuiga.

Ang festivals of all festivals nga mao ang Pasungko S’g MisOc., ang ‘pasungko’ usa ka suban’en word nga nagkahulogan og pasalamat.

Sa iyang kabahin, gipadayag ni Misamis Occidental Governor Herminia ‘Hermie’ Ramiro nga kining mga programa ug proyekto nga nahimo sa iyang administrasyon ang sinugdanan pa lamang sa iyang mga maayong panglantaw ug handum nga kalambo-an sa probinsya sa Misamis Occidental.

Dako ang iyang pagtoo nga pinaagi sa panaghiusa ug pagtinabangay maangkon ang kalampusan. Gitumong ni Ramiro ang malampuson nga kalihukan sa Search for Mutya ng Misamis Occidental, Agro Industrial Trade Fair, Family Day, Jobs Fair ug ang 1st Pasungko S’g MisOc festival.

Gipasalamatan usab ni Ramiro ang mga sakop sa Provincial Tourism Council (PTC) sa pagpanguna ni Gerard Hilarion Ramiro, mga department heads ug mga empleyado sa probinsya, mga sakop sa Sangguniang Panlalawigan pinangulohan ni Vice Governor Atty. Henry Oaminal, mga partisipante ug ang tanang local executives sa 14 ka mga Lungsod ug tulo ka siyudad.

Samtang sa samang bahin, gumikan sa 17 ka mga maanyag nga mga kandidata sa Mutya ang Misamis Occidental ug ni Billy Crawford ang giila nga international recording artist sa sayaw ug kanta nga maoy milingaw sa mga tumatan-away atol sa Coronation Night sa Search for Mutya ng Misamis Occidental niadtong Nobiyembre 6 sa mga tuman-away.

Bisan doblehon pa ang City Gym sa Oroquieta dili gihapon kini maka-akomodar sa gidaghanon sa mga tawo nga gustong mosaksi sa maong kalihukan.
Sa 17 ka mga maanyag nga mga kandidata, 5 lamang kanila ang nakadawat og korona timailhan nga sila ang midaug sa gipahigayon nga Search for Mutya ng Misamis Occidental.

Si Ordet Mae Villanueva Quiza sa Lungsod sa Calamba maoy nahimong Mutya ng MisOc 2010.

Jean Margaret Tamparong sa Ozamiz City maoy 1st Runner-Up

Phoebe Jane dela Cerna sa Lungsod sa Bonifacio mao ang 2nd Runner-Up
Sherline Alburo Galit sa Ciudad sa Oroquieta mao usab ang 3rd Runner-Up
Ug si Glenyl O. Mejos mao ang 4th Runner-Up.
Samtang ang mga nakaangkon sa Special Awards
Si Jean Margaret Tamparong sa Ozamiz City mao ang Best in Production Number
Si Sherline Alburo Galit sa Oroquieta City mao ang Best in Production Attire
Si Ronafel Saplot Rico sa Plaridel mao usab ang Best in Swimwear
Phoebe Jane dela Cerna sa Bonifacio mao ang Miss Photogenic
Cherry May Adorable Sabuero sa Panaon mao ang Miss Telegenic Award
Kete Gausin Palangan sa Lungsod sa Jimenez mao ang Miss Congeniality ug Miss Professionlism

Sherline Alburo Galit sa Oroquieta City mao ang Best in Long Gown
Samtang ang Miss Talent 2010 mao si Jovelyn Montemayores sa Ciudad sa Tangub
Cherry May Adorable Sabuero sa Panaon nao ang 2nd Runner-Up ug si Anne Liza Lodiomon Bicoy sa Sapang Dalaga mao ang 3rd Runner-up.(NEPTALIE BATOLENIO)