Dose ka barangay sa Tangub gibisita sa military

TANGUB CITY--ISIP kabahin sa ilang kampanya sa pagsumpo sa insurhensiya, ang Bravo Companysa 5th Infantry Brigade, Philippine Army mipahigayon sa pagduaw sa dose ka mga barangay sa Tangub City.

Gipadayag ni 1st Lt. Norley Oropesa, commanding officer sa Bravo coy nga uban sa pag-abag sa katawhan sa barangay ilabina ang mga barangay opisyales niini dili layo nga masulbad ang problema sa insurhensiya sanglit anaa man sila kanunay sa pag-aksyon niini.

Saysay niini nga ang pagpahigayon nila sa pagbisita sa 12 ka mga barangay alang sa consultation ug dialogue isip kabahin sa field text mission sa mokabat 140 ka mga civilian atmospheric geographical units (CAFGUS) nga migradwar sa ilang refresher training dili pa lamang dugay.

Usa ka Kumander Paul, kinsa napulo ka tuig nga nahimong sakop sa New Peoples Army (NPA) sulod sa napulo ka tuig diin nahimo usab nga organizer sa Communist Party of the Philippines-New Peoples Army (CPP-NPA) sa western Mindanao kinsa mibalik na sa sabakan sa balaod niadtong 1991.

Gisaysay ni Ka Paul ang iyang mga kasinatian sa mga kamot sa NPA ug nanawagan sa kanhi mga kauban nga sama kaniya mobalik sa sabakan sa kagamhanan.

Gibutyag usab ni Ka Paul nga gikan sa iyang pagbalik sa sabakan sa gobyerno daghan nga mga benepisyo ang iyang nga napahimuslan.(NEPTALIE BATOLENIO)