Bag-ong hepe mipasalig sa pagpatunhay sa kalinaw sa Ozamiz

OZAMIZ CITY--GIPASALIG sa bag-ong hepe sa Philippine National Police (PNP) Ozamiz nga hingusgan ang ilang kampanya sa paglakag sa unsa man nga mga illegal aron nga mapahapsay ang dagan sa kahusay ug kalinaw sa Ozamiz.

Gipadayag ni Police superintendent Gervacio ‘Jun’ Balmaceda, Jr.,chief of police nga bisan pa man sa nasinati nila nga kakulang sa gisakupan apan iyang gipaningkamutan nga magamit ang tanang personnel sa mga gimbuhaton ilabina alang sa pagpatunhay sa dagan sa kahusay ug kalinaw.
Dugang ni Balmaceda dili babag kaniya ang kakulang sa personahe apan himuon niya kini nga challenge alang sa iyang pagserbisyo ngadto sa katawhan sa Ozamiz.

Bisan pa man sa giingon nga stigma sa Ozamiz, sa giingong adunay presisnsiya sa Kuratong Baleleng ug sa giingong mga armado, gipasabot sa hepe nga dili kini babag sa iyang pagpatuman sa balaod.
Saysay niini nga ang trabaho sa pagpamulis mao ang pagpatuman sa balaod nga walay gidapigan.(NEPTALIE)