Tungod sa tsinelas, working student gipatay

GUMIKAN lamang sa tsinilas hikabsan sa kinabuhi ang usa ka working student sa usa ka hospital.

Ang biktima usa ka Nemson Pacot, 20 anyos , lumlopyo sa Agauda, Ozamiz City ug working student sa Misamis University Medical Center (MUMC.

Nakaangkon og samad linubaan sa iyang dughan ang biktima nga maoy hinungdan sa hinanali nga kamatayon niini.

Ang suspetsado mao ra usab ang kauban niini nga working student nga si Willboy Bernedo, 22 anyos ug nagpuyo sa Sinacaban, Misamis Occidental.

Sa imbestigasyon sa kapolisan, ang igsoon sa suspetsado  natulog sa quarter sa mga working student kagabii, Hulyo 4 apan nasuko ang biktima human nga ang iyang tsinelas gigamit sa igsoon sa suspetsado nga wala mananghid kaniya.

Mga alas kuwatro sa kaadlawon, Hulyo 5, gidunggab sa suspek ang biktima gamit ang usa ka mahait nga kutsilyo .

Dali nga gidala sa tambalanan ang biktima apan patay na kini.

Ang suspetsado kauban sa igsoon niini dali usab dayon nga mipahilayo saw ala matino nga deriksiyon

Ang suspetsado nagbilin pa og sulat nga nangayo og pasaylo nga iyang nahimo ang pagpatay sa biktima tungod kay wala na siya makaantos sa kinaiya niini.

Singgit usab karon sa amahan sa biktima ang hustisya sa kamatayon sa iyang anak ilabina nga aduna pa kini taas nga pangandoy sa iyang kinabuhi.(NEPTALIE BATOLENIO)