Pugante nga alyas KULOT padayon pa nga gipangita sa kapolisan

OZAMIZ CITY--PADAYON pa nga gipangita sa mga sakop sa kapolisan ang usa ka pugante sa Bureau of Jail Management and Penology (BJMP) sa Ozamiz hangtud karon. 

Gipadayag ni Jail inspector Arnel Nakasabog, Jail warden sa Ozamiz nga sa dose ka mga mipuga niadtong miaging tuig onse na ang subli nga nasikop ug nahibalik sulod sa bilangguan. Gidugang ni Nakasabog nga si Wilfredo Panongalinga, Jr., alyas ‘KULOT’ na lamang ang hangtud karon wala pa masikop sa mga awtoridad.

 Nasayran nga nahitabo ang jail break niadtong Hulyo 28, 2012 diin dose ka mga piniriso ang miikyas. Sa gihimong imbestigasyon sa mga sakop sa kapolisan, si Panongalinga ang gitumbok nga nagulo sa maong pag-eskapo.

 Human makaeskapo, si Panongalinga ang gitudlo usab nga mitulis sa 7-11 convenience store sa F.B. Harrison street in Manila ug mipatay sa usa ka American business executive ug ingon man sa series sa robbery sa LBC didto sa kaulohan niadtong bulan sa Septiyembre 2012.(NAB)