WALA gikompirma ni Ozamiz City chief of police Superintendent Gervacio Balmaceda, Jr., nga ang nasikop nga upat ka tawo sa Cathedral Compound nga sakop sa Alferez group nga nakabase sa Tangub City mao usab ang mga suspetsado sa nahitabo nga pagpanulis sa Gold Square store niadtong Disyembre 18, 2010.
Taliwala sa mikatag nga taho nga usa sa mga nasikop nakita sa CCTV camera sa Gold Square, gipadayag ni Balmaceda nga kinahanglan pa nila kini nga suhiron pag-ayo aron maseguro ilabina nga medyo hanap ang kuha sa camera.
Kahinumduman nga nasikop sa mga awtoridad sila si Jimmy Parami, 43, ug ang mga kauban niini nga sila si Rolando Sapnoy, 36, Niel Ranin, 35, ug Dullie Jul, 25.
Gisaysay ni Balmaceda nga ang video sa nahitabo nga tulis sa Gold Square anaa na sa Youtube apan padayon pa usab nila kini nga pagatun-an.
Nasayran nga nadakpan ang upat ka mga suspetsado sibo sa taho nga adunay mga armado atbang sa Merto Bank Rizal Avenue, Ozamiz.
Gikatarungan sa mga suspetsado ilabina ni Parami nga igo lamang sila nga mitambong sa misa sa Cathedral alang sa lubong sa iyang amahan apan nakurat na lamang sila sa dihang gisita sa mga sakop sa kapolisan.
Sa taho nga gipagawas ni Criminal Investigation and Detection Group (CIDG) director Chief Superintendent Samuel Pagdilao Jr. nga ang iyang mga sakop ug sa 10th Regional Public Service Battalion misanta sa plano nga pagtulis sa Metrobank branch mga alas dos ang takna sa kahapunon.
Saysay ni Pagdilao nga ang maong upat ka mga suspetsado nga sakop sa Alferes group maoy responsible sa serye sa robbery sa Region 10.
Sa iyang kabahin, gipadayag ni Senior Superintendent Noli Romana, chief sa 10th Regional Criminal Investigation and Detection Unit (RCIDU) nga ang mga suspetsado lulan sa Nissan Pathfinder nga nagdala sa plate number UGG 984.
Giasoy ni Romana nga nakadawat sila og impormasyon nga ang mga suspetsado anaa atbang sa usa ka bangko.
Nakuha gikan sa posisyon sa mga suspetsado ang usa ka Colt M16 rifle uban ang upat ka magazines, 50 ka mga bala, usa ka bandolier, usa ka kalibre .45 nga pistol uban ang mga magazines ug mga bala.
Ang mga suspetsado ang gikasohan na og illegal possession of firearms and ammunitions.(NEPTALIE BATOLENIO)
Taliwala sa mikatag nga taho nga usa sa mga nasikop nakita sa CCTV camera sa Gold Square, gipadayag ni Balmaceda nga kinahanglan pa nila kini nga suhiron pag-ayo aron maseguro ilabina nga medyo hanap ang kuha sa camera.
Kahinumduman nga nasikop sa mga awtoridad sila si Jimmy Parami, 43, ug ang mga kauban niini nga sila si Rolando Sapnoy, 36, Niel Ranin, 35, ug Dullie Jul, 25.
Gisaysay ni Balmaceda nga ang video sa nahitabo nga tulis sa Gold Square anaa na sa Youtube apan padayon pa usab nila kini nga pagatun-an.
Nasayran nga nadakpan ang upat ka mga suspetsado sibo sa taho nga adunay mga armado atbang sa Merto Bank Rizal Avenue, Ozamiz.
Gikatarungan sa mga suspetsado ilabina ni Parami nga igo lamang sila nga mitambong sa misa sa Cathedral alang sa lubong sa iyang amahan apan nakurat na lamang sila sa dihang gisita sa mga sakop sa kapolisan.
Sa taho nga gipagawas ni Criminal Investigation and Detection Group (CIDG) director Chief Superintendent Samuel Pagdilao Jr. nga ang iyang mga sakop ug sa 10th Regional Public Service Battalion misanta sa plano nga pagtulis sa Metrobank branch mga alas dos ang takna sa kahapunon.
Saysay ni Pagdilao nga ang maong upat ka mga suspetsado nga sakop sa Alferes group maoy responsible sa serye sa robbery sa Region 10.
Sa iyang kabahin, gipadayag ni Senior Superintendent Noli Romana, chief sa 10th Regional Criminal Investigation and Detection Unit (RCIDU) nga ang mga suspetsado lulan sa Nissan Pathfinder nga nagdala sa plate number UGG 984.
Giasoy ni Romana nga nakadawat sila og impormasyon nga ang mga suspetsado anaa atbang sa usa ka bangko.
Nakuha gikan sa posisyon sa mga suspetsado ang usa ka Colt M16 rifle uban ang upat ka magazines, 50 ka mga bala, usa ka bandolier, usa ka kalibre .45 nga pistol uban ang mga magazines ug mga bala.
Ang mga suspetsado ang gikasohan na og illegal possession of firearms and ammunitions.(NEPTALIE BATOLENIO)
1 comments:
kanang PNP diha sa ozamis city nagdanghag lang. basin naa sila connection ana mga illegal nga lihok diha. Mora duna na sila relasyon sa mga dragon. pila kaha ang ila bahin? mga polis nga sigue panulis magbantay jud mo kay nagtan-aw mi ninyo. masipyat gani mo na kamo lang.....lol
Post a Comment