OZAMIZ CITY--GIKANSELAR sa Division PTA Affairs Committee ang recognition o pag-ila sa Ozamiz City National High School General Parents-Teachers Association (OCNHS GPTA) School Year 2010-2011 gumikan kay napakyas kini sa pagsumite sa mid-school year financial statement report.
Ang hukom sa Division PTA Affairs Committee nga gipiermahan nila ni Nennith B. Mehoy, administrative officer; Celestino Filipino, division PESFA president ug Fernando Sumondong, division PTA coordinator effective kini Abril 11, 2011.
Gibasehan sa maong sulat-hukom ang DepEd order No. 54, s. 2009 nga nagkanayon: “…The PTA shall also submit to the School Head not later than November 30, duly audited and signed by members of the PTA’s audit committee. Failure to submit such financial statement report shall be a ground for the cancellation of the recognition of the PTA by the Division PTA Affairs Committee upon the recommendation of the School Head…”
Gilatid sa maong sulat-hukom nga naka-address ngadto ni Jovita Saquin, principal sa Ozamiz City National High School (OCHNS) nga alang sa accountability ug transparency giawhag ang mga stakeholders sa nasangpit nga tunghaan sa pag-utingkay ug pag-okadyang sa resibo sa collection ug resibo sa disbursements o sa kinatibuk-an nga kuwarta sa OCNHS GPTA.
Mipakanog sa hukom ang Division PTA Affairs Committee sa pagpanguna sa chairman ni Dr. Rosa Lantaca, OIC Schools Division Superintendent gumikan usab sa recommendation ni Saquin.
Nasayran nga niadtong Nobiyembre 30, 2010 mipadala og sulat si Saquin ngadto nila ni Mr. Darwin Aguirre, OCNHS GPTA president; Gilda Luna, OCNHS GPTA treasurer ug Jaime Busaco, OCNHS GPTA Auditor nga naghangyo nga mosumiter sa mid-school year financial statement report sa dili pa ang Dsiyembre 30, 2010. Diin copy furnished usab ang Department of Education Ozamiz City Division office.
Laing sulat na usab ang gipadangat ni Saquin niadtong Enero 3, 2011 ngadto sa OCNHS GPTA sa samang katuyuan.
Niadtong Enero 21, 2011 nakadawat og sulat si Lantaca gikan ni Saquin nga mipadayag nga wala makadawat sa Mid-School Year Financial Statement gikan sa OCNHS GPTA diin wala usab gipadayag ang hinungdan nga wala sila makasumitar sa nasangpit nga report.
Gumikan sa maong sulat ni Saquin ang Division PTA Affairs Committee nagtagbo niadtong Enero 28, 2011. Nasabutan nga hatagan og lugway ang OCNHS GPTA hangtud Pebrero 15, 2011 nga makaduso sa maong report.
Pebrero 1, 2011, subling gipadalhan ang OCNHS GPTA sa sulat sa pagpangayo sa financial report.
Gumikan kay wala gihapon mosanong, niadtong Pebrero 18, 2011 miduso og sulat si Saquin ngadto sa Division Superintendent nga nag-rekomendar nga sa pagkanselar sa pag-ila sa OCNHS GPTA.
Gumikan sa maong hukom, si Aguirre nawad-an sa iyang mga katungod ug prebilihiyo isip president sa OCNHS GPTA, Division Federated PTA president ug representante sa Ozamiz City Local School Board.
Nasayran nga sa gipagawas nga report ni Jaime Busaco, Sr., OCNHS GPTA auditor, gipadayag niini nga wala masunod ang operational standard sa pagpagawas sa kuwarta sa nasangpit nga kahugpungan. Dugang niini nga adunay mga stubs sa resibo ang nangawala apan nalakip kini sa audit niadtong Desiyembre 2010.
Saysay niini nga adunay moabot sa P38,095.000 ang nahanaw nga 12% sa nakolekta nga P313,386.25 o 14% sibo sa nadiposito nga P275, 291.25.
Dugang sa pagsugilon ni Busaco nga dakong problema ang liquidation sa disbursement tungod kay walay disbursement report ang na-compile gawas lamang sa mga photocopies sa mga resibo ang giduso.
Sibo sa mga photocopies milatid kini og P44,934.00 sukwahi sa kinatibuk-an nga disbursement nga P228,423.15.(NEPTALIE BATOLENIO)
Ang hukom sa Division PTA Affairs Committee nga gipiermahan nila ni Nennith B. Mehoy, administrative officer; Celestino Filipino, division PESFA president ug Fernando Sumondong, division PTA coordinator effective kini Abril 11, 2011.
Gibasehan sa maong sulat-hukom ang DepEd order No. 54, s. 2009 nga nagkanayon: “…The PTA shall also submit to the School Head not later than November 30, duly audited and signed by members of the PTA’s audit committee. Failure to submit such financial statement report shall be a ground for the cancellation of the recognition of the PTA by the Division PTA Affairs Committee upon the recommendation of the School Head…”
Gilatid sa maong sulat-hukom nga naka-address ngadto ni Jovita Saquin, principal sa Ozamiz City National High School (OCHNS) nga alang sa accountability ug transparency giawhag ang mga stakeholders sa nasangpit nga tunghaan sa pag-utingkay ug pag-okadyang sa resibo sa collection ug resibo sa disbursements o sa kinatibuk-an nga kuwarta sa OCNHS GPTA.
Mipakanog sa hukom ang Division PTA Affairs Committee sa pagpanguna sa chairman ni Dr. Rosa Lantaca, OIC Schools Division Superintendent gumikan usab sa recommendation ni Saquin.
Nasayran nga niadtong Nobiyembre 30, 2010 mipadala og sulat si Saquin ngadto nila ni Mr. Darwin Aguirre, OCNHS GPTA president; Gilda Luna, OCNHS GPTA treasurer ug Jaime Busaco, OCNHS GPTA Auditor nga naghangyo nga mosumiter sa mid-school year financial statement report sa dili pa ang Dsiyembre 30, 2010. Diin copy furnished usab ang Department of Education Ozamiz City Division office.
Laing sulat na usab ang gipadangat ni Saquin niadtong Enero 3, 2011 ngadto sa OCNHS GPTA sa samang katuyuan.
Niadtong Enero 21, 2011 nakadawat og sulat si Lantaca gikan ni Saquin nga mipadayag nga wala makadawat sa Mid-School Year Financial Statement gikan sa OCNHS GPTA diin wala usab gipadayag ang hinungdan nga wala sila makasumitar sa nasangpit nga report.
Gumikan sa maong sulat ni Saquin ang Division PTA Affairs Committee nagtagbo niadtong Enero 28, 2011. Nasabutan nga hatagan og lugway ang OCNHS GPTA hangtud Pebrero 15, 2011 nga makaduso sa maong report.
Pebrero 1, 2011, subling gipadalhan ang OCNHS GPTA sa sulat sa pagpangayo sa financial report.
Gumikan kay wala gihapon mosanong, niadtong Pebrero 18, 2011 miduso og sulat si Saquin ngadto sa Division Superintendent nga nag-rekomendar nga sa pagkanselar sa pag-ila sa OCNHS GPTA.
Gumikan sa maong hukom, si Aguirre nawad-an sa iyang mga katungod ug prebilihiyo isip president sa OCNHS GPTA, Division Federated PTA president ug representante sa Ozamiz City Local School Board.
Nasayran nga sa gipagawas nga report ni Jaime Busaco, Sr., OCNHS GPTA auditor, gipadayag niini nga wala masunod ang operational standard sa pagpagawas sa kuwarta sa nasangpit nga kahugpungan. Dugang niini nga adunay mga stubs sa resibo ang nangawala apan nalakip kini sa audit niadtong Desiyembre 2010.
Saysay niini nga adunay moabot sa P38,095.000 ang nahanaw nga 12% sa nakolekta nga P313,386.25 o 14% sibo sa nadiposito nga P275, 291.25.
Dugang sa pagsugilon ni Busaco nga dakong problema ang liquidation sa disbursement tungod kay walay disbursement report ang na-compile gawas lamang sa mga photocopies sa mga resibo ang giduso.
Sibo sa mga photocopies milatid kini og P44,934.00 sukwahi sa kinatibuk-an nga disbursement nga P228,423.15.(NEPTALIE BATOLENIO)
0 comments:
Post a Comment