Ozamiz Nova nanumpa nga treasurer sa CONFED Mindanao

Usa si Ozamiz City Mayor Nova Princess Parojinog-Echavez sa mga board of directors sa confederation of provincial governors, city mayors ug municipal mayors league president sa Mindanao (CONFED Mindanao) sa mga opisyales nga nanumpa atubangan ni president Benigno Aquino III didto sa Heroes Hall sa Malacanang Palace niadtong hapon sa Nobiyembre 30.

Si Davao del Norte governor Rodolfo P. Del Rosario ang president sa CONFED Mindanao, samtang si North Cotabato governor Emmylou Talenio Mendoza ang executive vice-president.

Napili nga mga regional vice-president sila si ; Region IX Gov. Rommel A. Jalosjos of Zamboanga Sibugay province ; Region X Mayor Lawrence L. Cruz of Iligan City; Region XI Gov. Arturo T. Uy of Tagum City; Region XII; Gov. Arthur Y. Pingoy, Jr. of South Cotabato; Caraga Gov. Johnny T. Pimentel ; and ARMM Gov. Mamintal A. Adiong.

Napili isip mga board of directors uban ni Mayor Nova sila si Mayor Ferdinand M. Amante, Jr, sa Butuan City, Mayor Vicente Emano sa Cagayan de Oro City; Mayor Reynaldo Navarro sa Laak, Compostella Valley, (secretary) Mayor DiosdadoG. Pallasigue Isulan, Sultan Kudarat ; Mayor Japal J.Guani, Jr. Cotabato City; Mayor Jose D. Silvosa, Sr.Panabo City Davao del Norte; Mayor Nova Princess E. Parojinog- Echavez of Ozamiz City (TREASURER) , Mayor Rodolfo Y. Gantuangco Kidapawan

Si Mayor Nova ang gitudlo nga tresurero sa CONFED Mindanao sa kagustuhan ni Governor del Rosario , isip president.

Sa wala pa mahitabo ang pagpanumpa ni-anang November 30 sa Malacanang , nagkatagbo una ang mga opisyales sa CONFED niadtong Nobiembre 29 sa Century Park Hotel, aron ipalig-on ang resolusyon nga kusganong nagsuporta sa Mindanao 2020 program ni president Benigno Aquino III.

Gipahayag ni Mayor Nova nga sa iyang pagka-pili isip usa s amga board of directors sa CONFED Mindanao, ug sa samang higayon tresurero, iyang nakita ang dakung trabaho. Apan sumala pa niya, bisan dako ang tahas sa usa ka sakop sa CONFED iya kining gi-ila nga usa ka dakung kahigayunan aron makatampo siya ug kalambuan sa Mindanao, gawas sa Ozamiz nga iyang syudad ug sakop sa Mindanao.

Si Mayor Nova ang labing bata nga Mayor sa Mindanao ug ikaduha sa labing bata nga mga mayor sa Pilipinas. Sa iyang kabatan-on, ang CONFED misalig kaniya isip pinili nga usa sa mga board of directors. (NEPTALIE BATOLENIO)