Health center gibombahan

PLARIDEL,MisOc—Gituohan nga panimalos ang nakit-ang motibo sa kapolisan sa nahitabong paglabay og bomba sa health center sa Looc, Plaridel, Misamis Occidental.

Gipadayag ni Police senior superentindent Robert Quenery, Philippine National Police (PNP) provincial director nga ang pagbusikad sa improvised explosive device (IED) sa barangay health center nahitabo niadtong Nobiyembre 18 sa may ala una sa kadlawon.

Panimalaos ang usa ka sa gitutukan nga anggulo sa kapolisan.
Gidugang ni Quenery nga naglusad sa hugot nga pagpangdakop ang ginsakpan sa Bantay Dagat ug Brgy Police batok sa mga mangingisdang nalambigit sa illegal fishing sa lugar hinungdang posible nga mibalos kini.
Layo usab ang posibilidad nga kini kahimuan sa mga terorista ang nahitabo tungod kay gipabuto ang bomba sa mingaw nga dapit.
Siya miingon nga kon terorista ang mihimo sa pagpamomba sigurado nga vital installations ug pampublikong lugar ang punting niini.

Nasayran nga gisulod sa wala mailang grupo sa plastic container sa softdrink ang wala pa matumbok nga bomba ug giitsa sa maong gambalay.
Maayong pagkaguba ang jealousy blades sa maong health center ug ingon man ang bintana nga bahin niini.

Nasayran nga naiadtong Nobiyembre 15, usa usab ka granada ang wala nay pin ang nakit-an sa pipila ka mga residente sa Silanga, Tangub City hinungdan nga dali nga girespondihan sa mga sakop sa kapolisan.

Human makuha ang granada sa may plaza nga bahin sa maong dapit dali usab kini nga gitugyan sa explosive and ordnance unit sa PNP.(NEPTALIE BATOLENIO)